मोनफ्रोम खामानि मावनायाव जोंहा माखासे थियारि एबा गोसोआव लानोगोनां थायो। थिग बेबादिनो आसन खालामनायनि सिगां, खालामनाय सम एबा इयुनावबो माखासे खोन्थाफोरखौ गोसोआव लानांगौ। जेरै-
👉 गोरा, सिमेन्टनि गुसु थालो बायदिफोराव आसन खालामनो नाङा। हाग्रा एबा हा सायाव कम्बल खनना बयोब्ला गाहामसिन जायो। बार नांनाय, निजोम- स्राय जायगाया साबजाथाव।
👉 रेजें ख'साब आरो साफेन सुफेन खालामनो हानाय सि-जोम बाहायनो नांगौ।
👉 देहा गाज्रिब्ला आसन खालामनो नाङा।
👉 उन्दुनायनिफ्राय सिखारखांनानैसो आसन खालामनो नांगौ।
👉 फुंनि 4 रिंगानिफ्राय 6 रिंगानि गेजेराव खालामोब्ला साबसिन।
👉 आसन खालामनायनि सिगां दुगैना लायोब्ला गाहाम, खालामखांनानै थाबनो दुगैनो नाङा।
👉 आदार जानायनि 3 घन्टा उनावसो आसन खालामनो नांगौ।
👉 सानदुं गोसानिफ्राय फैनानै खालामनो नाङा।
👉 गोब्राब हाबा मावनायनि उनाव खालामनो नाङा।
👉 आलसार, टिबि, बिखानि असुख, मेगननि असुख, ब्लाद प्रेछार गोनांफोरा आसन खालामनाय समाव साबधान खालामनो नांगौ।
👉 मोदोमनि सानाय सुनाय थायोब्ला एबा जायोब्ला खालामनो नाङा।
👉 आसन खालामनाय समाव हांखौ नेमबादि लानांगौ थामहिनबा बांद्राय हाखु - दाखु एबा लासैद्राय लानो नाङा अरायबो साबदान जानांगौ।
