हरखाब जाब्रबथाइ (ACCIDENT )
जेबो जाहोन गैयालासेनो जोंनि देहायाव हरखाबै दुखु मोनोब्ला एबा जिव गोमायोब्ला अब्लानो जों हरखाब जाब्रबथाइ होननानै बुङो। बेयो गोबां रोखोमै जानो हागौ जेरै- थाबायनाय समाव हरखाबै गादलिननानै गोग्लैनाय, गारि-साइकेल सालायनाय समाव मिथियाजासे बबेयावबा एबा सोरजोंबा सौग्रावनाय बायदि बायदि।बिनिखायनो बेफोर खैफोदा जायोब्ला गाहायाव होनाय राहाफोरखौ लानांगौ।
अर खामोब्ला ( BURNING )
गाहायाव होनाय राहाफोरनिफ्राय जायखि जाया नोंथांनि राहा बादियै खालामब्लानो जागोन। बांद्राय खामोब्ला दक्टरनि खाथियाव थांनाया गाहाम।
- खामनाय जायगाखौ गोख्रै दै गुसुवाव दसे सोमनानै लानांगौ ।
- थालिर बिफांखौ देग्लिना एबा मसायनानै बेनिफ्राय ओंखारनाय दैखौ खामनाय जायगायाव होनांगौ।
- आलु बेदरखौ देनानै बेखौ फोननानै होनांगौ।
- सियहार्न आरो केम्फारखौ लगायना फोननानै लानांगौ ।
- सालखुंग्रिनि सिंनि मोदोमखौ खामनाय जायगायाव होनांगौ।
- बसखौ एन्टिबाय'टिक हिसाबै फोननानै होनांगौ।
- खामनाय गाराया सुनसिया नाङोब्ला निम फिथाइजों बानायनाय जायखिजाया थाव फोननानै होनांगौ ।
बेगें बायोब्ला (FRACTURE)
बायनाय बाहागोखौ गावनि जायगायाव लाबोफिननानै नोंथांनि राहा बादियै गाहायनि जायखि जाया मुलैखौ बाहाय आरो गोब्राबद्रायब्ला दक्टरनि खाथियाव थां।
- पालाच रोदा एबा मानि प्लेन्टनि थारा नङाब्ला अर्जुन बिफांनि बिगुरखौ बुथुमना लानानै अन्थाइ थाफायाव उननांगौ , गोनांथि जायोब्ला उननाय समाव इसे इसे दै होनो नांगौ आरो बुढ गरसेनि जखायै गर 15 सोनि भरन बानायनानै बेखौ खाथाबनानै होनांगौ।
- थास'खौ हातजराजों लोगोसे रुनानै दाउदैनि गुफुर बाहागोखौ होदेरनानै भरन बानायनो नांगौ आरो खाथबना होनांगौ नङाब्ला सबाइ दालिखौ सोमना उननानै बिखौ दाउदैनि गुफुर बाहागोजों भरन बानायनो नांगौ आरो गोदान सियाव लानानै बायनाय जायगायाव फानफबनानै सोरगिदिं प्लाष्टार बादि फानफबना खानांगौ आरो 15 साननि उनाव खेवनानै होनांगौ।
सुनसिया नाङोब्ला ( INFECTED WOUND )
हरखाब जाब्रबथाइ जानायनि जाहोनाव जोंनि देहायाव माब्लाबा गिदिर जोखोम एबा गारायफोर जायो बेनो समाव सुनसिया नाङो। बेबादि जायोब्ला गाहायाव होनाय राहा बादियै फाहामनो हायो जुदि बांद्रायथार अब्ला जौगाखां दक्टर एबा मुलिनि हेफाजाब लानाया गाहाम।
- निम बिलाइजों बानायनाय जायखिजाया थाव फुननांगौ ।
- बसखौ देनानै होनांगौ ।
- दाउसा मोख्रेबनि बिदैखौ फुननानै खाथाबना होनांगौ ।
- मैथ्रु एबा मुदुमफुल गोथांखौ उननानै भरन बानायना खाना होनांगौ ।
- सालखुंग्रिनि गांखंखौ देनानै बेखौ फुनना खाथबनानै होनांगौ ।
