साफ्रोम नोगोरारिफोरनि सोलो आरो गावारि गुनखौ जौगाहोनो थाखाय संबिजिरा जायफोर मोनथाइफोरखौ होदों बेफोर मोनथाइफोरखौनो गुदि मोनथाइ बुंनाय जायो। बेबादिनो जोंनि भारतनि संबिजिरनि थामथि आयदायाव 14 नं दफानिफ्राय 35 नं दफासिम मोनद ' रोखोमनि गुदि मोनथाइफोरखौ मख'नाय जादों । बेफोर जाबाय-
(क) समानथाइनि मोनथाइ ( Right to equality- Art. 14-18 )
(ख) उदांस्रिनि मोनथाइ ( Right to freedom and liberty -Art. 19-22 )
(ग) सुसिनायनि बेरेखायै मोनथाइ ( Right against exploitation- Art. 23-24 )
(घ) धोरोमनि उदांस्रि मोनथाइ ( Right to Freedom of Relegion Art. 25-28 )
(ङ) हारिमु आरो सोलोंथाइनि मोनथाइ ( cultural amd Educational Rights - Art.29-30 )
(च) संबिजिरारि होबथानायनि मोनथाइ ( Right to constitutional remedies- Art. 32 )
संबिजिराव गुदि मोन्थाइफोरखौ नोगोरारिफोरनि माखासे बिथिंफोरखौ नोजोर बोनानै थिसननाय जादों बेफोरनि माखासे जाहोनफोरा जाबाय-
1. गुदि मोनथाइया नोगोरारिनि गावनि गुन जौगानायाव मदद होयो ।
2. नोगोरारिनि गुदि मोनथाइया सरकारखौ अनागारि खुंगिरि जानायनिफ्राय होबथायो ।
3. गुदि मोनथाइया खामानिनि फारागखौ जानगारहोनानै मोनसे गोख्रों , गोग्गो , हारिमुवारि हादर दानायाव हेफाजाब होयो ।
4. बे मोनथाइफोरा सासे नोगोरारिखौ गुबुनजों समान मोनथाइगोनां होनना गोसोनि बोलो बांहोयो , उदाङै साननो हनो , सोबख'जानायनिफ्राय उदां जानो , सोलोंथाइ , हारिमु , धोरोम नाजावनायाव हेंथा मोनाजासे गोजोन जिउ दैदेनलांनायाव मदद होयो ।
