सों:- महिरंग एबा माइरं राजानि बिफाया सोर?
फिन:- सुम्भ असुर।
सों: अनिरुद्ध आ सोरमोन??
फिन: कृष्णनि फिसौज्ला, ऊषानि फिसाइ।
सों:- राजथावनि खासफुरखौ सोर गायसंदोंमोन?
फिन: राजा हरिश चन्द्र।
सों: जावलिया जोहोलावनि गुबुन मोनसे मुंआ मा ?
फिन्नाय : सिखना जोहोलाव।
सों:- घटक असुरनि बिफानि मुङा मा?
फिन:- रत्नासूर
सों:- खुंख्रानि राजथावनिआ बबेआवमोन ?
फिन्नाय : दिमाफुराव।
सों:- नरकासुरखौ मा फोलेरनि राजा होननानै मख' लांदों ?
फिन्नाय : असुर फोलेर।
सों:- नरकासुरआ सोरखौ दावहायाव फेजेननानै माब्ला राजा जादोंमोन ?
फिन्नाय : घटक असुर। खुष्टगिबि 1500 मायथाइनि खलबाव। सों:- नरकासुरनि बर' मुंआ मा ?
फिन्नाय : नारखोदाव एबा नारखो बुदां ।
सों: बासिराम जोहोलावआ बबे ओन्सोलनिमोन आरो बियो सोरजों दावहा नांदोंमोन ?
फिन्नाय : अदालगुरि जिलानि दैफां हालाम। भुटियाफोरजों।
सों: तुलाराम सानथि गाहाइ आरो बृटिस सरकारनि गबर्णर जेनेरेलनि गेजेराव माब्ला गोरोबथा जादोंमोन ?
फिन्नाय : इं 1834 मायथाइनि 3 नभेम्बराव।
सों: बबे मायथाइआव इंराजफोरा साहा कासारखौ गावसोरनि फामु राज्योजों सरजाबफादोंमोन ?
फिन्नाय : 1854 मायथाइआव।
सों:- हिरन्यकशिपुर राजानि फिसाज्लाया सोरमोन ?
फिन्नाय : प्रहलाद।
सों:- प्रहलादनि फिसाज्लाया सोरमोन ?
फिन्नाय : बिर'चन ।
सों: बरनि राज्योनि राजथावनिफोरनि बायखोन्दा नेरसोनफोरखौ बबे बबे जायगायाव नुनो मोन्नाय जायो ?
फिन्नाय : दिमाफुर, माइबं, खासफुर, माहुर।
सों: थेंफाख्रिया बबे गामिनिमोन ?
फिन्नाय: बिजनी खाथिनि बरलाउगाव गामिनिमोन।
सों:- गबिन्द चन्द्र आ सोरमोन?
फिन:- बर'नि जोबथा राजा।
सों: भारतनि उदांस्रि सोमावसारनायाव मुख्लं जानाय बर' सुबुंफोरा सोर सोरमोन ?
फिनाय : मणि कसारि, रतन कसारि, लेरेला कसारि, हाबां कसारि आरो राउता कसारि।
सों: नेपालनि राजाया हाबा लानाय रानिनि मुंआ मामोन ?
फिन्नाय : राजखुंग्रि राइजोमुथि।
सों: बबे मायथाइआव बर' राजाया हिन्दु दोहोरोम लाजेन्दोंमोन ?
फिनाय : इं 1585 मायथाइआव।
सों: सोर बर' राजानि समाव माब्ला दिमाफुर नोगोरा आह'मजों थेरबेथेर खालामजादोंमोन ।
फिनाय : राजा देरसुंनि समाव इं 1536 मायथाइआव।
सों:- नरनारायणनि बिफानि मुङा मा?
फिन: सथ्रुदमन।
सों: बिजनीनि राजा बिजित नारायणआ सिंजों-सिं जावलिया जोहोलावखौ मा जाहोननि थाखाय सैयामोन ?
फिन्नाय: गावनि फिसाजो सिख्रिजों गोसोथोलायनायनि थाखाय।
सों: सिखना एबा जावलियाया सोरजों दावहा नांदोंमोन ?
फिन्नाय : इंराजफोरजों।
सों: सोरनि फोथायखेबस'नि थाखाय सिखना जोहोलावा दावहायाव जेननांगौ जादोंमोन ?
फिन्नाय: गंगार सान्थ्रि गाहाइ सेंसौ खाम्फानि थाखाय।
सों: बबे दैसा सेराव सुथुरफोरा सिखना जोहोलावखौ दानथारदोंमोन ?
फिन्नाय : आलाइखुंग्रि दैसा।
सों: गाम्बारी सिख्लाया मानि फालांगि खालामोमोन ?
फिन्नाय: दंफांनि।
सों: बिरगोस्रि सिख्लाया सोरजों दावहा नांदोंमोन ?
फिन: मुगल सान्थ्रि गाहाइ रामसिंहजों।
सों: बिरगोस्रि सिख्लानि थुंग्रिया दायो बबेआव दं ?
सों: बङाइगावनि बागेश्वरी हाजोआव थानाय बागेश्वरी मन्दिराव।
सों: राजा गबिन्द चन्द्र आरो बृटिस सरकारनि गबर्णर देभिद स्कटनि गेजेराव माब्ला आरो बबेआव गोरोबथा जादोंमोन ?
फिन्नाय : 1824 मायथाइनि 6 मार्सआव , बदरपुराव ।
सों: तुलारामनि गुबुन मोनसे मुंआ मा ?
फिन्नाय : तुलसीनारायण ।
सों: तुलारामा बबे ओन्सोलखौ बेंंदोंमोन ?
फिनाय : साहा कासारखौ ।
सों: तुलारामहा साबेसे फिसाला दंमोन ?
फिन्नाय : सानै।
सों: तुलारामा माब्ला रुंसारि जादोंमोन ?
फिन्नाय : 1844 मायथाइआव ।
सों: दिमाफुरनि जोबथि बर' राजाया सोरमोन ?
फिनाय : गबिन्द चन्द्र एबा इरागदाव ।
सों: बाण राजानि फिसाजो उषानि बिलोगोनि मुंआ मामोन ?
फिन्नाय : चित्रलेखा।
सों: चित्रलेखानि बर' मुंआ मा ?
फिन्नाय : सिख्रि एबा सिख्रिसिख्ला।
सों: दैमालुआ बार्मा राजानिफ्राय मा बान्था मोनबोदोंमोन ?
फिनाय : मासे मैदेर गुफुर ।
सों: जावलिया जोहोलावआ गंगार राजानिफ्राय मानो सनद बिलाइ मोन्दोंमोन ?
फिन्नाय : सिदली राज्योखौ बेंनो थाखाय।
सों: जावलिया जोहोलावआ सनद बिलाइखौ दोनथ'नो थाखाय सोरनि आखाइआव होदोंमोन ?
फिनाय : बिजनीनि राजा बिजित नारायणनो।
सों: गबिन्द चन्द्रआ बबे मायथाइआव राजा जादोंमोन ?
फिनाय : 1813 मायथाइआव ।
सों: गबिन्द चन्द्रनि बर' मुंआ मा ?
फिन्नाय : राजा इरागदाव ।
सों: नैथि कृष्णचन्द्र आरो गबिन्द चन्द्रनि राज्योनि राजथावनिआ बबेआवमोन ?
फिन्नाय: दिमाफुर।
सों: विक्रमादित्यफा राजानि राजथावनिआ बबेयावमोन ?
फिनाय: मिकिर हाजो खाथिनि सनाफुर एबा सनाफुरिआवमोन।
सों: राजा बिक्रमादित्यफानि फिसाज्लानि मुंआ मामोन ?
फिन्नाय : महामणिफा एबा महामाणिक्यफा ।
सों: राजा महामाणिक्यफाया सोर खन्थाइगिरि पण्डितखौ गावनि हादाबाव जायगा होदोंमोन ?
फिन्नाय : माधव कन्दलीखौ ।
सों: राजा इरागदावआ माब्ला आरो सोरनि खैसाराव मुंख्लं जानांदोंमोन?
फिन्नाय : गम्भीरसिंनि खैसाराव इं 1830 मायथायाव ।
सों: दिमाफुरनि गिबि राजाया सोरमोन? बै समाव राज्योनि मुंआ मामोन ?
फिन्नाय : घटतकस । हैरम्ब राज्यो ।
सों: बबे जौथाइआव सोर बर' राजाया सोरखौ असमीया रावआव रामायण खन्थाइमाखौ दानस्लायनो होदोंमोन ?
फिन्नाय : 14 जौथाइआव। महामाणिक्यआ माधव कन्दलीखौ।
सों:- सोर बर' राजाया दानि आसामाव बबेनिफ्राय 7 नखर बामोण आरो 7 नखर कायस्थखौ लाबोदोंमोन ?
फिन्नाय : दुर्लभनारायणआ कनौजनिफ्राय । 14 जौथाइआव ।
सों: बाना राजाया गावनि अन्जालि फिसाजोखौ दोनखोमानो बबेआव मा न' लुहोदोंमोन ?
फिन्नाय : भमरागुरिआव अग्निगड़ न' ।
सों:- राजा खुंख्राया माब्ला रुंसारि जादोंमोन ?
फिन्नाय : इं 1531 मायथाइआव ।
सों:- खुंख्रानि उनाव सोर आरो माब्ला दिमाफुरनि राजा जादोंमोन ? फिन्नाय : देरसुं । इं 1531 मायथाइआव ।
सों:- देरसुंआ माब्ला रुंसारि जादोंमोन ?
फिन्नाय : 1536 मायथाइआव ।
सों:- बर' राजाफोरनि गेजेराव गोहो गोरासिन राजाया सोरमोन ? फिन्नाय : जश नारायण ।
सों:- जश'नारायणनि गुबुन मोननै मुंफोरा मा मामोन ?
फिन्नाय : शत्रुदमन आरो प्रतापनारायण ।
सों:- जश'नारायणआ मा मायथाइआव राजा जादोंमोन ?
फिन्नाय : 1583 मायथाइआव ।
सों:- जारिमिनाव महीरंगखौ मा फोलेरनि राजा होननानै मख'दों? फिन्नाय : दानब ।
सों:- प्रागज्यतिषपुरखौ बर'फोरा मा बुङोमोन ?
फिनाय : फुरगाजोंथिफुर ।
सों:- जश'नारायणआ नगाव जिलानि रहायाव जानाय दावहायाव आह'मफोरखौ फेजेननानै राजथावनि माइबांनि मुंखौ मा होननानै मुं दोन्दोंमोन आरो गाव मा बिमुं लादोंमोन ?
फिन्नाय : कीर्तिपुर। प्रतापनारायण ।
सों:- जश'नारायणआ आह'मजों नांनाय रहानि दावहायाव सोरखौ सान्थ्रि गाहाइ फाथिदोंमोन ?
फिन्नाय : भीमदर्प एबा भीमबलखौ ।
सों:- जश'नारायणआ माब्ला रुंसारि जादोंमोन आरो बै मायथाइआवनो सोर माइबांनि राजा जादोंमोन ?
फिन्नाय : 1610 मायथाइआव । भीमदर्प एबा भीमबलआ ।
सों:- नैथि कृष्णचन्द्रआ बबे मायथाइनिफ्राय बबे मायथाइसिम राजा जादोंमोन ?
फिन्नाय : 1790 मायथाइनिफ्राय 1813 मायथाइसिम ।
सों: राजा कृष्णचन्द्रनि बर' मुंआ मामोन ?
फिन्नाय : खुंख्रा ।
सों:- सोर बर' राजाया माइबांआव राजथावनि गायसंदोंमोन ?
फिन्नाय : राजा मदनखुंगुरआ ।
सों:- मदनखुंगुरआ सोरनि फिसाज्लामोन ?
फिनाय : राजा देरसुंफानि ।
सों:- माइबांआव राजथावनि फसंखांनायनि उनाव मदनखुंगुरा गावनि मुंखौ मा होननानै फोसावदोंमोन ?
फिन्नाय : निर्भरनारायण ।
सों:- निर्भरनारायणनि उनाव माइबांआव सोर राजा जादोंमोन?
फिन्नाय : दुर्लभनारायण ।
सों:- दुर्लभनारायणनि समाव सोर माइबांखौ गाग्लोबफैदोंमोन ? फिन्नाय : कस सान्थ्रि गाहाइ चिलारायआ ।
सों:- राजथावनि माइबांआ मा दैमानि सेरावमोन ?
फिन्नाय : माहुर ।
सों:- बिर'चननि फिसाज्लाया सोरमोन ?
फिन्नाय : बलि राजा ।
सों:- बलि राजानि फिसाज्लाया सोरमोन ?
फिन्नाय : बाना एबा बान राजा ।
सों: बाना राजाया माब्ला राजा जादोंमोन आरो राजथावनिआ बबेयावमोन ?
फिन्नाय : खृ:गि: 1500 नि इसे उनाव। तेजपुर।
सों: बर' राजा महीरंगआ माब्ला प्रागज्यतिषपुर राज्योखौ गायसंनानै राजा जादोंमोन ?
फिन्नाय : खुष्टगिबि 1700 मायथायाव ।
सों:- महीरंगनि बर' मुंआ मा ?
फिनाय : मैरागदाव ।
सों:- फुरगाजोंथिफुरनि ओंथिआ मा ?
फिनाय : गुफुर-गोजों-नोगोर।
सों:- घटकासुरआ माब्ला राजा जादोंमोन ?
फिन्नाय : खुष्टगिबि 1600 मायथायाव ।
सों:- नारखोदाव एबा नारखो बुदांनि उनाव सोर कामरुपनि राजा जादोंमोन ?
फिन्नाय : भगदत्तआ ।
सों:- भगदत्तआ सोरनि फिसाज्लामोन आरो बिनि बर' मुंआ मामोन ?
फिन्नाय : नारखोदावनि । बोगदादमोन ।
